ISShCH Great North Golden Aurora Boralis "Grace"

Elsku hjartans Grace okkar er dáin eftir stutt veikindi. Hjörtu okkar eru brostin að sorg og söknuði. Grace var hin fullkomni golden, svo ótrúlega ljúf og góð, svo lífsglöð og vinnusöm. Hún var í sérlegu uppáhaldi hjá öllum, söknuðurinn er gríðarlegur.

Grace var sérlega duglegur hundur og elskaði að sækja bráð og vinna, hún var einnig glæsilegur sýningarhundur og gríðarlega mikill gleðigjafi. Hún elskaði að sækja tennisbolta og dummy.

Hún kenndi okkur svo margt, hún kenndi okkur eiginlega allt sem við kunnum í dag í vinnu retriever hunda. Hún gerði alla sína vinnu með mikilli gleði og stolti, það var hrein unun að vinna með þessari tík. bara ef við hefðum kunnað það sem hún kenndi okkur þegar við byrjuðum að vinna með henni.

Við ætlum að halda áfram í hennar anda, með lífsgleði að leiðarljósi. Við söknum hennar svo ótrúlega mikið, hún var tekin frá okkur allt of snemma,Dánarmein Grace var krabbamein.

Eitt er það sem aldrei gleymist, aldrei það er minning þín.